ايوا كذا خلنا مـع الاحضـان والقلـب الطليـق
وان عودت خلف المشاعر كـل واحـد وظْهـره
صار الوفى ماله مناصر والبحر مابه غريـق ..
وكلن يخـاف يقـول للثانـي كـلام ويخسـره!
الصدق لو يلبس من «ثياب الحشيمة» يستضيـق
والكذب لو يسكن مكان ابلا «وجوده» يهجـره!..
صارت صداقتنا نفاق .. وحلمنـا قمـة طويـق
نكسب بعضنا لجل «صيـت فـلان» مانستخسـره
نحضن بعضنا / وكل واحد يحسب الثانـي رفيـق
ونجامـل النـاس بسوالفنـا وكثـر الغشـمـرة
دايم أمام الناس «نفس الصف» «وبنفس الفريـق»
ولا وراهـا مانعـرف الا الفتـن والشوشـره!
انا علي امن القلوب .. وكل واحـد لـه طريـق
ليـه انتعامـل بالوفـى دام الوفـى مانقـدره!
ياصاحبي / صدري وسيع وجرحي الماضي عميق
ماتشوفني استحقر اللـي ماقويـت استحقـره ..
القلب لو يحزن على مثلك يسمونـه «رقيـق»
ماني مـن اللـي لامدحتـه تستظـل ابمحجـره
كلن يحاسب للـدروب ويحـذر الـدرب المعيـق
وشلون نوقع غيرنـا فـي درب حِنّـا نحـذره !
ياصاحبي مالومك ان هب الهوى نفحـات ضيـق
حتى المصالح فرّقت مابيـن الاخـوان اشكـره !
ان ماخسرتك .. ماتشرفت اتخـذ منـك صديـق
لان الصديق اذا دعيتـه شـي عنّـك .. يستـره
الحمدلله والشكر .. مـن نـاس لايمكـن تفيـق
تنفض وراها من كثـر ماتدثـر «الحقـد» غْبـره
ان جمـع الله شملهـم لفراقهـم نفسـك تويـق
لكـن مـن بـاب الذرابـه ماتقـول : المعـذره
مدري جديـدة يازمـن ولا أنـا خبـري عتيـق
خليتني منهـم وانـا عنهـم تقدّمـت شعـره!
ياكثر ماشبت سوالف في وسط صـدري حريـق
واسكت ولا كني سمعـت وراحتـي «مستشعـره»
قد قال حامد زيد شطرٍ له وسـط عينـي بريـق
(( في هالزمن حتى الخوي اللي تثق فيه احذره ))
وان كان يجمعنـا تشابـه بالزفيـر وبالشهيـق
يبقى اختلاف الجرح فينا وكل واحـد وظْهـره !!
