نفائس

أعزائي متابعي صفحة (فيوضات شعرية): يتجدد معكم اللقاء في هذا العمود مع اطلالة هذه الصفحة في كل شهر, وأقدم لكم فيه نفائس من الشعر الشعبي الطيب الأثر, المليء بالحكم والمواعظ, اخترتها لكم من تراث كبار الشعراء في شبه الجزيرة العربية:
نستعجل الأيام واعمارنا أيَّام
والشيب يطغى والأماني فتيه  
نهاري أقفى واجمل الحلم قدام
والحال يضعف والهقاوي غنيَّه
الأمير خالد الفيصل
إن شِلتها يا (حْسين ) تِرمى بَهَا  شين
ترى الخوي يا (حْسين ) مثل الأمانه
يا (حْسين) ما يشتكّ كُود الرّديين
والاّ ترى الطيّب وسيع ٍ بطانه
عبيد العلي الرشيد
دنياك لوهي ساعفت عام كدّرت
حَيُولٍ تحلّ الحَيْل ومْفارقينها
على مسايرها كثيرٍ همومها
وعلى شين جيرتها العرب عاشقينها
واللي جمع مالٍ ولا ادى نوايبه
لعل ماله ورثةٍ وارثينها
هذاك مِثل (الديك) يِذن ولا سجد
ينفع بها غيره ونفسه يهينها
إلى صرَّت الأقلام ما فاد من حكى
فاتت على طلاّبةٍ مطلبينها
تركي بن حميد
أقول: إن الفتى يمشي مدبّر
ولا له غير ما كِِتْب بْجبيته
يقوله واحدٍ غرَّب وجرَّب
وذاق مْن الدهر زينه وشيِنه
إبراهيم بن مزيد
إلى شفت جفوى من رفيق ٍ لقيتني
جزومٍٍ على جفواه من كلّ الاحوالي
ولا أبيّن أسراره وعاره يعوْرني
أخلّيه في فاله وانا أروح في فالي
ولا نِيب حبّاب ٍ لمن لايحبّني
تصير المحبّه فيه بلوى وغربالِ
كما تاعبٍ يتعب على غير فايده
وهو سابقٍ حفارجحرٍ وهو خالي
ولا أبيّن أسراري لمن لايسرني
ولو شلت حِملٍ باهظ ٍ صبري اشوى لي
عبدالله بن ربيعه