ياسـمـيـن من اليمـيـن...... ومن شمالي سندباد
.......... و(أربعينية) علي بابا.. على بابي.. فتن
ويـن أودي وجـه طـارق.؟ عـنـك ياوجهي. زياد !
.......... ويـن أصـد؟ وكل وجه يصد في وجهي وطن.
دثريني فيك...... يمه...... كل ما بانت سعاد
...........زمليني عن زهير.... وزمهريرك... والزمن
هزي الهندووول واملي.. املي عيوني رقاااااد
.......... سمعيني لاسكت ونمت من صدرك لحن
هزي الهندوووول..! يمه... امتلت روحي رماد
...........ولحفيني سالفه من دون أرض ولا شجن
ما عشقت من القصور إلا .. (إرم ذات العماد)
............. ومانويت اللي نويت من العمار إلا عدن
صدقيني.. ماسهرت أكتب حكاية شهرزاد
........... لا . ولا هذا الصبا! والا الصبا هذا لمن؟
إنتي قلتي ما يموت اللي على أرض الجهاد
................ وياما قلتي لاتنام إلا تحت راسك كفن
لاخذلك الموت مـوت ولاتعيش بلا (بلاد)
............ ومن سرقك اليوم! بكره مايعوضك بثمن
والقصايد يابعد .... ليل القصايد والسهاد
............ حملتني لك سلام... ولي ملام.... (...)
سـنـبـلـتـنـي ثـار قمح يشـب فـبطون الجراد
........... وحـلـفـتـني ما أموت وباقي بـقـلبك حـزن
